سفارت چین در دوشنبه از شهروندان چینی در تاجیکستان خواسته است که فورا مناطق هممرز با افغانستان را ترک کنند.
این سفارتخانه روز دوشنبه گفت که در یک هفته گذشته پنج شهروند چین در حملات مرزی از افغانستان کشته و پنج نفر دیگر زخمی شدهاند.
سفارت چین گفت که شهروندان این کشور روز یکشنبه در یک حمله مسلحانه در نزدیکی مرز افغانستان هدف قرار گرفتهاند. روز جمعه نیز اعلام کرده بود که یک حمله مرزی دیگر، سه شهروند چین را کشته است. مقامهای تاجیک درباره حمله نخست گفته بودند که با استفاده از پهپادهایی صورت گرفته که نارنجک پرتاب میکردند.
دفتر مطبوعاتی ریاستجمهوری تاجیکستان گفت که امامعلی رحمان «اقدامات غیرقانونی و تحریکآمیز شهروندان افغانستان را قویا محکوم کرده و دستور داده است که اقدامات مؤثر برای حل مشکل و جلوگیری از تکرار چنین حوادثی انجام شود.»
مقامات تاجیکستان پیشتر درباره قاچاقچیان موادمخدر و معدنکاران غیرقانونی طلا که در طول مرزهای دورافتاده افغانستان فعالیت میکنند، هشدار داده بودند.
وزارت خارجه طالبان کشته شدن دو شهروند چین در مرز تاجیکستان با افغانستان را محکوم کرد. این وزارت گفت بر اساس ارزیابی اولیه و اطلاعات ارائه شده توسط نهادهای ذیربط اداره طالبان، این حادثه بر عهده گروههایی است که در تلاش ایجاد هرج و مرج، بیثباتی و بیاعتمادی بین کشورهای منطقهاند.